29 அம்மாடி(அம்மானை)

அம்மாடி உன்னிசையில் கண்மூடி (2)

ஆழ்ந்துவிட சுகம் மேவி

கூடி-விடும் எனை ஊடி (2)

செப்பிடச் சொல்லிலை தூரிகை

அது தீட்டிடச் சித்திரம் போலிலை 

(2)

இன்னது தான்-என சொல்லிலை

உந்தன் இன்னிசை-போலெதுமில்லையே 

(2)

அம்மாடி உன்னிசையில் கண்மூடி

ஆழ்ந்துவிட சுகம்-மேவி கூடி-விடும் எனை-ஊடி கூடி-விடும் எனை-ஊடி

 (MUSIC)

பாலையும் சுவை-தெளி தேனையும் கலந்தருந்திடத் தோன்றிடும் ஓர்சுகம்

(2)

ஆயிரம் மடங்கதைப் போலவும் ஓர்-ஓசையில் தந்திடும் உன்-ஸ்வரம்

(2)

மற்றவர்க்கே-இசைச் சாத்திரம் அது உன்னிசை வடிவினில் வாழ்ந்திடும்  (2)

உன்னிசையால் எதும் சாத்தியம் அதைச் சொல்லிட ஏதிங்கு ஓர் திறம்
(2)

அம்மாடி உன்னிசையில் கண்மூடி

ஆழ்ந்துவிட சுகம் மேவி கூடி-விடும் எனை-ஊடி கூடி-விடும் எனை-ஊடி

 (MUSIC)

உன்னிசையைப்-பண் பாடிட அதன்-பெருமையைப் பாரினில் கூறிட

நல்லிசையை-நான் தேடினேன் பின் உன்னிசையைத்-தான் நாடினேன்

உன்னிசையில்பண் படித்திட பல *சங்கதிகள் வந்து விழுந்தன

உன்னிசையே சொல் தந்திட இதில் ஒன்றுமில்லை என்  திறமென

அம்மாடி உன்னிசையில் கண்மூடி

ஆழ்ந்துவிட சுகம் மேவி கூடி-விடும் எனை-ஊடி கூடி-விடும் எனை-ஊடி

*சங்கதிகள்=விஷயங்கள். உன்னிசை மெட்டில் எழுதும்போது எல்லாமே உன் இசையே தந்துதவுகிறது. இதில் என் திறன் என்ன இருக்கிறது. நீ தானே எழுதுகிறாய் மன்னா.

பிற பாடல்கள்